🚩 रोशन पांडे यांचा गणेशोत्सवासाठी उपयुक्त उपक्रम; ‘आरती संग्रह’ पुस्तकाचे प्रकाशन

गणेशोत्सवाच्या पार्श्वभूमीवर ‘आरती संग्रह’ पुस्तकाचे प्रकाशन

कल्याण : गणेशोत्सव जवळ येत असताना घराघरांत आणि मंडळांमध्ये आरतीच्या पुस्तकांची गरज भासते. हीच गरज लक्षात घेऊन रोशन पांडे यांच्या कार्यालयात ‘आरती संग्रह’ पुस्तकाचे प्रकाशन करण्यात आले.

शिवसेना युवासेना कल्याण लोकसभा जिल्हाध्यक्ष जितेन पाटील यांनी कार्यालयाला सदिच्छा भेट देत आपल्या शुभहस्ते पुस्तकाचे प्रकाशन केले. गणपती बाप्पाच्या उत्सवात भाविकांना विविध आरत्या एकाच ठिकाणी सहज उपलब्ध व्हाव्यात, हा या उपक्रमामागचा उद्देश असल्याचे यावेळी सांगण्यात आले.

या प्रसंगी युवा नगरसेवक सूरज मराठे, युवा उपजिल्हा अधिकारी तेजस सांगडे, दीपक राय सिंघानिया, ओमकार तांबे, गणेश सिंह, शिवम मिश्रा आणि हरी मिश्रा यांच्यासह पदाधिकारी व कार्यकर्ते उपस्थित होते. रोशन पांडे यांनी सर्व मान्यवरांचे स्वागत करून आभार मानले.